رواية موعد مع المجهول
للكاتبة إيمان عادل الصياد
الفصل الثامن
– سألها عاصم بتسرع: انتِ إيه اللي وقفك مع خطيبها يا أحلام؟
– نظر عزت له شذرا على الأسلوب الذي تحدث به عاصم معها.
-فتحدث عاصم معتذرًا، و أعاد سؤاله بطريقة أخرى قائلا: أنا آسف أقصد هو انتم متعودين تقفوا مع بعض في الجامعة؟.
ردت أحلام بسرعة نافية هذا الأمر قائلة: لأ طبعا أنا، و هو حصل بيننا سوء تفاهم كذا مرة، و بعدين المرة دي كانت صدفة باحتة.
– و أكملت نافية الأمر بأكمله قائلة: انا أساسا مبتكلمش مع شباب في الكلية تحت أي ظرف. شعر عاصم بأريحية شديدة بعد ما قالته أحلام
فسأل عزت احلام عن سبب سوء التفاهم بينهما.
-فعادت بالذكريات لتلك الأسابيع القليلة، و قصت عليهم ما حدث في السابق: أنا لما اتعرفت على نادين في المدينة الجامعية بحكم إننا زملاء كنا بنروح، و نيجي مع بعض الكلية.
-وفي يوم من الأيام اتفاجئت بشاب، واللي عرفت بعد كده إنه سيف، و كان ماشي ورانا، و بيتكلم بعصبية مع نادين، و هي مبتردش عليه و متجاهلاه تماما، و فجأة مسكها من ذراعها عشان يجبرها تقف، و تكلمه، و هي بتحاول تتخلص من ايده اللي مسكاها بقوة. حاولت اخلصها من ايديه لكنه بعدني بقوة، وغضب. قربت منه، و انا متغاظه، و
محسيتش غير، و انا بضربه بالقلم على وشه.
– وطبعا ما انتظرتش رد فعله مسكت نادين، و مشينا بسرعة لأني متأكدة إن لو كنت وقفت لحظة كمان كان ممكن يولع فينا.
– و طبعا بعد ما بعدنا عنه بدأت نادين تتعصب، وتلومني بصوت عالي و..
( فلاش باك)
انت اتجننتي يا أحلام؟ ازاي تعملي كده مع سيف؟ تضربيه بالقلم ازاي؟
– كانت صدمتي من انفعالها، وعصبيتها ما تتوصفش مشيت، و سيبتها وهي مسكتتش بعد ما وصلت المدينة الجامعية، و دخلت أوضتي أحاول أهدي نفسي من اللي حصل .
-فتحت نادين الباب بقوة وقفلته بقوة وكملت كلامها بعصبية وبصوت عالي وقالت: انتِ يا بنتي سيباني، و ماشية كده عادي؟ تعملي المصيبة، و تمشي عادي؟
-هنا كان صبري نفذ وقفت ارد عليها: انتِ ازاي كده انا لما اتدخلت عشان احميكي من الشاب قليل الأدب ده ازاي يتجرأ، و يمسك ايدك؟.
ردت نادين : لأنه ببساطة خطيبي. اللي انتِ ضربتيه بالقلم قصاد الكلية كلها ده يبقى خطيبي يا حلام .
( نهاية الفلاش باك ).
-انتهت أحلام من سرد اول اسباب الخلاف الذي نشب بينها، و بين نادين لتجد عاصم ينظر لها بإعجاب لم تنتبه له. فتحدث عزت لينقذ الموقف قائلا: كملي يا أحلام، و بعدين إيه اللي حصل.
