دموع ملكة

واقترب وهو يدور حولها فها هو أوشك على تحقيق هدفه الأخير ليحقق انتقامه من والدته قائلًا: العريس شاب تعرفيه كويس جدًا وهو الوحيد اللي هيساعدك تخلصي رسالتك في وقت قياسي، وبالنسبة لجدتك متقلقيش هتيجي تعيش معايا هنا.

نظرت سوسن بشك إلى والدها فكيف وافق بسهولة على مكوث جدتها معهم بالمنزل وهو من رفض الأمر من قبل، وما هوية الشاب المتقدم لخطبتها، نجح محمود في اثارة التساؤلات بعقل سوسن التي كانت تنظر له بعدما فضلت أن تنتظر مبادرته بالحديث ليفصح لها عن هوية هذا الشاب، وسبب عدوله عن قراره بشأن والدته.

هنا تحدثت فريال فهي لم تكن تعلم بأمر هذا الشاب تسأله: غريبة يا محمود أنت مقولتش ليا على موضوع العريس ده ليه، وبعدين هو مين ده اللي هيقدر يساعدها بعد الجواز في دراستها يا محمود وانت عارف كويس جدًا إن مفيش حد بعد ما يتجوز بيسمح لزوجته تنشغل عنه وعن ادارة بيته الا نسبة قليلة جدًا.

رد محمود بسرعة عليها قائلًا: أهو أنتِ قولتي بنفسك يا فريال نسبة قليلة اللي بتوافق بكده وفعلا الشاب اللي متقدم لسوسن كده فعلًا من الناس القليلة اللي تسمح بكده.

كانت سوسن تستمع لحديثهما وهي تحترق داخليًا فها هي الاسباب التي جعلتها عقبة لرفض الزواج جاء من زالها بكل سهولة، فتحدثت تسأله:

مين يا بابا الشاب الفظيع اللي متقدم وعنده استعداد يعمل كل ده؟….

ابتسم والدها وهو يتحدث قائلًا: الشاب اللي متقدم لك هو…..