نار الصعيد ج2
عند شمس كانت في المطبخ فدخلت كوثر وتحدثت بابتسامه : ليه تاعبه نفسك اكده يا بنتي
شمس بابتسامه : مفيش تعب يا ماما انا لازم اساعد واعملكم الواكل انهارده
كوثر : بس دا شغل الخدم يا بنتي خلاص اعملي انتي الواكل لو عايزه
وفجأه دخلت دهب وتحدثت بضيق : سيبيها يا ماما تشتغل مع الخدم
شمس ببرود : انا مش هشتغل مع الخدم انا بعمل الواكل لجوزي وحماتي وحمايا وليكي ودا مش شغل خدم دا حب مني ليهم بس انتي متعرفيش حاجه عن الحب
دهب بعصبيه : وانتي ال تعرفي يا بنت الشرجاوي انتي اهنيه خدامه وتلزمي حدودك احسن ليكي علشان متتدميش وو وفجأه تلقت دهب صفعه قويه علي وجهها فألتفت وانصدمت عندما وجدت فؤائد هو من صفعها فتحدثت بصدمه مردفه : ابوي
فؤائد بعصبيه : احنا مش جايبين بنات الناس علشان نهينهم اهنيه يا بنت الشافعي ختي لو عيلتها هي عدوتنا متنسيش ان دي دلوجتي تبجي مرت اخوكي يعني مرت ياسر الشافعي
كوثر بقلق : خلاص يا حج هي مش جصدها ووو
الفصل الثاني عشر ..قبل الاخيرة
نار الصعيد
فؤائد بغضب : احنا معرفناش نربيها شكلنا
شمس بضيق : خلاص يا عمي هي مش جصدها تهيني
وفجأه جاء ياسر وتحدث بحده : اي ال بيوحصل اهنيه
فؤائد بعصبيه : اختك دي شكلنا معرفناش نربيها صوح
ياسر : اي ال حوصل وليه بتجول اكده عن دهب اختي متربيه زين
فؤائد بعصبيه : اختك بتجول علي مرتك خدامه
ياسر بحده : نعم
دهب بعصبيه : كلكم وجفتوا ضدي دلوجتي علشان بنت الشرجاوي انا بكرهكم
القت دهب كلماتها ثم صعدت الي غرفتها واغلقت الباب وظلت تبكي بشده فصعدت شمس خلفها واستأذنت بالدخول فتحدثت دهب بغضب : عاوزه اي اطلعي من اهنيه
شمس : اعتبريني ضيفه عندك واسمعيني شويه ممكن
دهب : عاوزه تجولي اي
شمس : دهب اول حاجه انا مكنتش موافجه علي جوازي بأخوكي بش مش علشان هو وحش ولا شخصيته مش كويسه علشان من وانا صغيره اتربيت ان اي شخص من عيله الشافعي او النجار هم اعدائي انا وعيلتي وان اي شر هيوحصل لينا هيكون بسببهم ووجت ما اخوي عامر كان عامل حادثه طلع عليا ناس وكانوا عايزين يخطفوني ووجتعا ال ساعدني اخوكي مكنتش اعرف انه ابن الشافعي ولما عرفت اتعصبت وشتمته واتهمته انه هو ال بعت رجالته يعمله فيا اكده وهو ال حاول يجتل عامر بس كمان فكرت لو هو ال عمل كل دا اي ال هيخليه يساعد واحده ميعرفهاش انا عارفه ان كلامي مش هيأثر بس عاوزه اجولك حاجه بلاش نولع النار بينا اكتر من اكده خلينا نصلح بين العائلات مش ندمرهم وننسي العداوه ونبدأ من جديد صدجيني الحياه مهما كانت متستدعيش اننا نعيشها في حرب وعداوه ودمار
دهب بتفكير : انا اسفه علي ال جولتهولك انتي فعلا عندك حق في كل كلمه جولتيها واجبنا اننا نوجف العداوه مش نزودها
