مريض الحب ج1

#البارت_الثاني(2)..
…………………………………………….
(في قسم الشرطه)…

التفت الفتيات حولها..و هب مازن واقفا..ليبعدهم..ويري ماذا حدث لها..فوجدها مغشيا عليها..ووجهها شاحب…فنادي علي العسكري بصوت اشبه بالصراخ):

هات كوبايه مايه بسرعه…

احضر العسكري كوب ماء وقام مازن بتقطير.. بعضه علي وجهها لكي تستفق..ولكن لم تستجب..

مازن(نظر الي البنات التي تقف حولها): ابعدي شويه منك ليها..
هي البت دي شاربه حاجه ولا ايه؟..

ظلوا يتحدثون سرا..ولم تجب ايا منهم..فاستشاط غضبا..وصرخ فيهم..

مازن:ما تنطقي يا بت منك ليها…

ردت احد الفتيات:احنا منعرفهاش اصلا يا باشا..احنا اول مره نشوفها..

نظر مازن الي تلك الفتاه التي اجابته..نظرة احتقار…و وجدها ترتدي ثياب تكشف اكثر مما تستر..ونظر الي باقي الفتيات وجدهم مثلها..ام تلك الفتاه المغمي عليها..فكانت ترتدي ملابس بسيطه محتشمة..وملامحها هادئه..جمالها ليس مصطنع كتلك الفتيات…نظر الي حقيبتها الملقاه بجوارها وفتحها فوجد هوية جامعيه..وعرف اسمها وانها في كلية الاداب…صرخ بصوت عال في العسكري..
مازن:انتوا قبضتوا علي كام بنت في القضيه دي؟

العسكري:علي عشر بنات يا فندم..

نظر مازن الي البنات فوجد عددهم عشره..وكانت ميسون الحادية عشر..ففهم كل ما حدث..ونظر الي العسكري بعيون يملاها الشر..وصرخ فيه..
مازن:خد البنات دي….رجعهم الحجز ..وحسابك معايا بعدين..

العسكري:تمام يا فندم..

فور خروجهم…حمل مازن.. ميسون بين ذراعيه.. ووضعها علي اريكة موجودة في مكتبه..وجلس جوارها …و امسك راسها ورفعها قليلا…وجعلها تستند عليه..لعلها تشتم رائحته فتستفق..ووضع بعض قطرات ماء علي وجهها..و سرح في جمال وجهها…فصدر منها تأوهات بسيطه..ايقظته من سرحانه…وماهي الا لحظات حتي بدأت في استرجاع وعيها..فتحت عيناها ببطء..وجدت نفسها قريبة منه….فتوترت وابتعدت عنه علي الفور..اما مازن فشعر بما فعله..ونهض فورا من جوارها..وامسك بكوب الماء..واعطاه لها لكي..تشرب ويهدأ فزعها..وتوترها..ثم عاد وجلس علي مكتبه..

مازن(بنبرة جدية وصارمه):انت كويسه يا انسه..

ميسون(بتوتر وخوف..وخجل منه): انا انا…مش معاهم..
قالت كلماتها تلك ولم تستطع ان تتمالك نفسها..وبدات في البكاء..

مازن:اهدي…احنا عرفنا كل حاجه…انا بعتذر منك..حصل سوء تفاهم..

قولي لي بس انت جايه هنا ليه…؟

قصت ميسون للظابط ماحدث معها وسلمته المحفظه وهمت بالرحيل..فاوقفها مازن..

مازن: انتي عنوانك ايه؟

ميسون: ليه؟

مازن: علشان لو احتجناكي..

ميسون: المحفظه مع حضرتك ومش ناقصه حاجه…واعتقد انك مش هتحتاجني في حاجه..بعد اذنك..

مازن(وقف مازن واقترب منها..و مسكها من ذراعها ليوقفها):لحظه بس استني..

مازن(اكمل باستعطاف): استني اوصلك …شكلك لسه تعبانه…

ميسون(بدموع متجمده في عينها):لا..شكرا..بعد اذنك..

خرجت ميسون علي الفور وهي تبكي قهرا علي ما حدث لها..وعندما خرجت نهائيا من القسم شعرت ان روحها قد عادت لها…اما مازن فعاد يجلس علي مكتبه يفكر فيها..وكم هي بريئة ورقيقه..وجميله..واستفق من تفكيره علي صوت هاتفه..نظر اليه وجدها والدته…

مازن:ست الكل..

مرفت:حبيبي هتتاخر ولا ايه…اخوك وصل من السفر..

مازن: انا خلاص خارج من المكتب اهوه..نص ساعه وهتلاقيني قدامك..يا قمر..

مرفت(بضيق):لسه هتخرج يا مازن…

مازن:معلش يا امي..مش هتاخر..

مرفت: ماشي يا حبيبي..

اغلق مازن هاتفه وسلم المحفظه الي أمجد (زميله في القسم وصديقه) لكي يبحث عن صاحبها..وسلمه ملف قضية البنات..والتقط مفاتيح سيارته وخرج من القسم.. وركب سيارته…وانطلق لمنزله..وهو يفكر في تلك الفتاه…

»»»»»»»»»»»»»»»»»»»»»»»»»»»»»»

(في الحي الشعبي..في بيت الست فاطمة..)..

كانت الست فاطمة تنظف البيت وتجهز الغداء..قبل ان تعود ليلي وميسون..وعندما كانت مشغولة في اعمال المطبخ سمعت طرقا علي باب المنزل..فخرجت لتفتح…
وعندما فتحت وجدتها ست ابتسام(شهرتها..ام محمد)..(جارتها)..

فاطمه:اهلا يا ام محمد.تعالي ادخلي اعدي..لحد ما اطفي البتوجاز.

ابتسام:ازيك يا ست فاطمه..انا مش عاوزه اعد..انا كمان عاوزه اشوف الاكل الي علي البتوجاز..

ست فاطمه قفلت النار..ثم عادت الي ست ابتسام..
فاطمة:خير يا ام محمد في ايه؟

ابتسام:خير ان شاء الله..بصي من غير لف ودوران انا جايبه عريس لليلي..

فاطمه:تاني يا ام محمد..

ابتسام:انت هتفضلي ترفضي لحد امتي..البنت كبرت وبقت في سن الجواز..والف واحد يتمناها..

فاطمه: خلاص هفاتحها في الموضوع وهرد عليكي..

ابتسام:ماشي..مش عوزاني اعمل لك اي حاجه..

فاطمة:تسلمي..

ابتسام :طيب استاذن انا..

وعندما همت ست ابتسام (ام محمد) بالرحيل ..فتح باب البيت ودخلت ميسون..وكان يبدو عليها الحزن والخوف..

ابتسام:ازيك يا ميسون يا بنتي؟

ميسون(بابتسامه شاحبه):ال..الحمد..لله..ازيك يا طنط؟

ابتسام:الحمد لله..ربنا يوفقك يا بنتي..

ميسون لم ترد وخلعت حذائها ودخلت علي الفور الي غرفتها..
ودعت الست فاطمة جارتها ودخلت لميسون لتطمئن عليها..فوجدتها نائمه..

فاطمه(بهدوء):ميسون حبيبتي..اجهز لك الغدا..

ميسون:لا..هستني ليلي..

فاطمه(بقلق):انت كويسه يا بنتي؟

ميسون:ايوه..تعبانه شويه من الكليه..هنام شويه وهرتاح..

فاطمه:ماشي يا حبيبتي..ارتاحي..