رواية بريئة في عالمي

لا احد يقف أمامه … يهابه كل الناس .. لكن جاءت هى واظهرت قوتها .. المعدومة بمعنى رسمت قوتها … لكن لا احد يقف أمامه ويجرأ أن ينظر بهذه القوة .. لذلك قرر أن يكـ,ـسر هذا النظرة … وبالفعل كس,رها .. ……………………. لكن اكتشفت انها ليس لها اى قوة .. بل ضعيفة جداا .. عشقها .. عوضته عن غياب امه .. لايضـ,ـعف الا أمامها .. لكن .. حدث لها أشياء كثيرة بسبب وجودها فى حياته .. وكاد أن يخسرها … عدة مرات .. لكنها تحملت فوق طاقتها .. لكنها ..( بريئة فى عالمه ) …
….. الفصل الاول ……
فى شركة حسام الشافعى … حسام دخل بقوته وكل بيقف له احترام ورعب … حسام شديد جدا وغضبه لا يحتمل لانه لما بيـــ,,,ـغضب بمعنى الكلمة مبيشوفش ادامه … دخل غرفة الاجتماعات .. والكل وقف ليه اعد فى مكانه وأمرهم يقعدوا بنظرة منه … حسام : انا بكل هدوء كدة سمعت أن فى غلطة فى الحسابات … مدير الحسابات بكل رعب : احم أيوة يا فندم بس صدقنى غلطة صغيرة جدا وهتتصلح .. حسام وهو بيضر,ب ايده على التربيزة : انا معنديش حاجة اسمها صغيرة ولا كبيرة .. مين كان مسؤل عن الحسابات ديه .. انطقوا .. قامت بنت فى منتهى الجمال بقوة وحزم : انا يا فندم .. حسام لاحظ قوة فى عينيها وهو مفيش حد بيقف ادامه بالنظرة ديه : كله برة … كلهم طلعوا من نبرة صوته وهى كانت هتطلع .. حسام : استنى انتى .. حست برعب رهيب بس محاولتش تبينه … حسام قرب منها : انتى اسمك ايه البنت : اسمى همس .. حسام : اسم جميل .. همس : ميرسي .. حسام : انتى بئا يا همس محدش بلغك أن مفيش حد بيغلط عند حسام الشافعى … همس : يا حسام بيه ديه غلطة بسيطة جدا وانا هصلحها .. حسام قرب منها اكتر وكلمها بهمس عند ودنها : قولت محدش يغلط عند حسام الشافعى … همس اتوترت جدا من قربه .. : أيوة غلطت وقولت هصلحها .. اسفة .. خلاص اعتذرت اعمل ايه تانى .. وهو يعنى محدش بيغلط .. حسام : عند حسام الشافعى محدش بيغلط .. همس : هو فى ايه حسام الشافعى حسام الشافعى بنى ادم زى كل الابنى ادمين .. حسام : هههه انا بقا هوريكى انى زى كل ال بنى ادمين وشدها من ايديها دخلها اوضة ضلمة جدا وصغيرة .. همس برعب : انت جايبنى هنا ليه … زقها وقفل الباب : مفيش اصل انا هوريكى مين حسام الشافعى … همس : انت اتجننت طلعنى من هنا … حسام : كل ما هتغلطى فرصتك انك تطلعى من هنا هتقل .. ف خلى بالك … مشي واتصل بالسكرتيرة بلغها أن محدش يسأل عليها عشان هتقعد معاه تصلح الحسابات .. حسام : انا هوريكى يا .. يا همس .. ############### دخل عليه كريم صحابه من ايام الدراسة وبيشتغل معاه .. كريم : عامل ايه .. حسام : تمام .. رجعت امتى من شرم الشيخ .. كريم : لسه راجع من المطار .. حسام : حمد لله على السلامة … كريم : مالك فى ايه شكلك مش مظبوط .. حسام : مفيش حاجة .. كريم : يعنى انا مش عارفك .. انطق .. حسام لسه هيتكلم .. همس بصريخ : طلعنى بئا حرام عليك افتح. الباب دة بئا كريم : انت حابس مين جوة .. حسام : واحدة اسمها همس من المحاسبين كريم : يخربيتك وحابسها ليه .. حسام : كنت بعرفها مين حسام الشافعى … كريم : انت اتجننت يا حسام افتحلها … حسام : أهدى كدة بدل ما تتدخل معاها جوه .. كريم : حسام افتح. للبنت ديه محترمة جدا ومبتعملش حاجة .. حسام : وانت ايش عرفك .. كريم : لان البنت شالت غلطة واحدة صحبتها وكمان صلحتها .. حسام : ازاى مش فاهم .. كريم : فى بنت من المحاسبين عملت غلطة كبيرة فى الحسابات كانت هتروح فى داهية .. لولا أن همس ساعدتها مش بعيد كانت دخلت السجن خدت الحسابات وصلحتها .. حسام : يعنى الحسابات كانت متنيلة اكتر من كدة… كريم : ورينى الورق يا حسام .. اداله الورق .. كريم : يخربيتك يا شيخ .. انا دلوقتى فهمت .. انهاردة كان فى اجتماع مفاجأة صح حسام : صح كريم : هى خلصت ٩٠ فى المائة من امبارح وقالتلى هتكمله انهاردة واكيد ملحقتش … حسام : طب وهى ليه تعمل كدة .. كريم : انت قاعد ترغى افتحلها يا مفترى .. قام فتحلها لقاها اعدة على الأرض بتترتعش وبتعيط .. اول ما شافته بعدت لورا : انت هتعمل فيا ايه .. كريم : أهدى أهدى مش هيعملك حاجة قومى معايا … همس : يا كريم بيه انا معملتش حاجة وانت عارف بس هو مش طبيعى … حسام : انا مش طبيعى كريم : ما تهدى بئا يا عم انت فى ايه .. متقلقيش يا همس .. وحقك عليا على الحصل … همس : انا عايزة ورقة وقلم .. كريم جاب ورقة وقلم وعطاهم لها .. ادعت دقيقتين تكتب فى حاجة .. همس : اتفضل يا حسام بيه … حسام : استقالتك .. وانا مش هقبلها همس : براحتك … ومشيت …. حسام : البت ديه بتتحدانى .. كريم : يا اخى اخيرا لقيت واحدة تقف قصادك ..
(( الفصل الثانى ))).. همس روحت بيتها وهى مستغربة أن فى انسان مريض بالشكل دة … مامت همس ( سعاد ) : همس حبيبتى حمد لله على السلامة … همس : الله يسلمك يا ماما .. سعاد : مالك يا همس .. شكلك مضايقة.. همس : مفيش حاجة .. سعاد : همس مش هسيبك الا لما تقولى … همس بتنهيدة : اترفدت يا ماما .. سعاد : يلاهوى اترفدتى ليه .. همس : حصل حاجة فى الحسابات مكنتش مقصودة والمدير مبيرحمش ف رفدنى .. سعاد : معلش يا بنتى .. انشاء الله هتلاقى شغل احسن .. همس : يارب يا ماما …انا داخلة انام .. #################### عند حسام … حسام فى نفسه : ماشي يا همس أما وريتك مين حسام الشافعى مبقاش انا .. انا انسان مش طبيعى طب والله لاوريكى مين ال مش طبيعى دة … ################### تانى يوم ….. همس : صباح الخير يا ماما .. سعاد : صباح النور يا حبيبتى .. يلا عشان تفطرى .. همس : مليش نفس يا ماما .. انا نازلة اتمشى شوية على البحر … سعاد : طب استنى بس فى حد اتصل بيكى ومقالش اسمه بس قالى لما تصحى تتصلى على النمرة يه ضرورى جدا … وعطتها ورقة فيها الرقم … همس : واحد واتصل على الرقم دة .. ماشي هتصل .. وراحت اتصلت على الرقم .. هو : صباح الخير .. همس : صباح النور .. حضرتك مين .. هو : مش عارفة صوتى .. همس : حاسة انى سمعته قبل كدة .. هو : على العموم بدل حيرتك ديه انا حسام الشافعى .. همس : وبتتصل بيا ليه .. حسام : عشان أسألك مجتيش ليه .. همس : هو انا مش قدمت استقالتى .. حسام : وانا موافقتش عليها .. همس : ما قولتلك براحتك انا مش راجعة الشغل تانى.. حسام : طب بصى يا همس لو مجتيش فى ظرف نص ساعة صدقينى هتزعلى … وممكن تباتى فى السجن كمان .. همس : نعم سجن لسه انشاء الله حسام : لما تيجى هتعرفى.. قفلت همس مع حسام … واعدت تفكر يا ترى ايه يخليه يدخلنى السجن .. لازم اروح اشوف .. لبست بسرعة ونزلت … ####################### ووصلت االشركة ودخلتله .. همس : افندم .. حسام : اتكلمى عدل .. همس : ممكن اعرف عايز منى ايه انا خلاص قدمت استقالتى .. حسام : بصى يا .. همس لو عايزة تمشي من الشركة يبقى تدفعى دول .. وطلعلها شيك مكتوب فيه مليون جنيه وعليه امضتها .. همس بصدمة : نعم .. مليون جنيه … واصلا انا مامضتيتش على الشيك دة من اساسه … حسام : هههههه لأ مضيتى ..ها هتدفعى ولا تتحبسي همس : بقولك مامضتيتش .. حسام : عايزة اعرفك يا حلوة أن محدش يمشي من شركتى الا بمزاجى .. ف وانتى بتمضى عقد تعينيك .. كان وسط الورق الشيك دة وانتى مضيتى عليه … همس : دة نصب. .. حسام : ههههه اثبتى .. همس : انا معييش اكيد مليون جنيه .. حسام : يبقى تسمعى كلامى .. همس : نعم .. حسام : تتجوزينى … همس بصدمة : نعمم …. حسام : ايه رأيك .. همس : لأ انت اكيد مجنون مش طبيعى .. حسام : طب عشان متعصبش عليكى هديكى لأخر الاسبوع يا توافقى ونكتب الكتاب يا اما تحضرى نفسك للسجن … همس : انت مش بنى ادم .. انا مستحيل اتجوزك .. حسام : بردوا هديكى فرصة لآخر الاسبوع .. يلا اتفضلى … خرجت جرى على مكتب كريم .. همس : الحقنى يا استاذ كريم .. كريم : فيه ايه مالك يا همس .. همس : حكت كل الحصل .. وفى الاخر بيقولى يا اما السجن يا تتجوزينى .. والله ما طبيعى … كريم : يتجوزك !!! حسام قالك كدة .. همس : أيوة والله .. كريم : طب روحى دلوقتى وانا هشوف الموضوع دة .. همس : هتقدر تعمل حاجة .. كريم : صدقينى هحاول .. بس ال عايز اقوهولك أن حسام طيب جدا ديه مش شخصيته … همس : مستحيل … كريم : ديه الحقيقة … يلا روحى .. ومشيت همس .. وكريم دخل ل حسام .. كريم : ايه اخبار همس يا حسام .. حسام : مش فاهم .. كريم : شكلك قبلت الاستقالة .. حسام : هههههههه لأ طبعا … كريم : امال .. حسام : هتجوزها … كريم : انت اتجننت تتجوزها ازاى .. حسام : مش محتاجة وصف هتجوزها .. كريم : ليه بتحبها .. حسام : انا معرفش حاجه اسمها حب … كريم : امال هتتجوزها ليه .. حسام : عجبانى … كريم : شكلك وراك مصيبة يا حسام .. حسام همس مش قدك .. همس طيبة جدا .. حسام : ماشي يا كريم .. كريم : مش هتجوزها …
حسام : لأ طبعا هتجوزها … كريم : ربنا يهديك يا حسام .. ################### عدى كام يوم وجيه اخر الاسبوع … همس قررت تروح الشركة تشوف يمكن كريم عمل حاجة … ودخلت مكتبه … همس : اذيك يا استاذ كريم .. كريم : اهلا يا همس اتفضلى اقعدى .. همس : ها عملت ايه.. كريم : اسف يا همس لسه مُصر على موقفه .. همس بعياط : انا ليه بيحصل فيا كدة ليه عملتله ايه .. كريم : أهدى يا همس .. دخلت السكرتيرة : استاذ كريم .. حسام بيه طلب همس تيجى مكتبه .. همس : ااااه يارب …
الفصل الثالث ))) …
همس : اعمل ايه كريم .. كريم : فعلا مش عارف …حسام عنيد وطالما حطك فى دماغه مش هعرف اعمل حاجة .. حسام طيب جدااا مكنش كدة بسبب ال حصل للاسف بقا انسان مش طبيعى زى ما بتقولى … همس : الله يارب اعمل ايه بس … اسيبه يحبسنى ولا اتجوزه واعيش فى عذاب … كريم : أهدى يا همس وروحى مكتبه يلا قبل ما يقلب عليكى اكتر من كدة … همس : حاضر .. ################# دخلت مكتبه … حسام : اهلا اهلا بالعروسة يا ترى مجتيش على طول ليه وروحتى لكريم .. همس : روحت يشوفلى حل فى المصيبة ال انا فيها .. حسام : هههههههه مصيبة ماشي … بس انتى فاكرة أن حد هينجدك منى .. همس : ممكن نكلم بهدوء .. حسام : اتفضلى .. همس : انت عايز تتجوزينى ليه .. انا موظفة عندك وانت حسام الشافعى من أكبر رجال الأعمال فى مصر ويكاد الوطن العربى .. وكمان متعرفش انى موظفة عندك غير من اسبوع لأنى من ساعت ما اتعينت وانت مقابلتنيش … اخترتنى ليه … حسام : اه يعنى عرفتى مين حسام الشافعى .. همس : انا اصلا عارفة .. انت بس يومها استفزتنى ..جاوب على سؤالى… حسام : عجبتينى .. همس : عجبتك !! بعيدا عن تلميحك .. عجبتك فى ليه شكلى ولا شخصيتى ولا. … ولا فى حاجات كتير ممكن تعجبك حسام : عايزة الصراحة .. همس : ياريت .. حسام : شوفت فى عنيكى نظرة تحدى. … وانا محدش يقف ادامى بالنظرة ديه فلازم امحيها .. همس بخوف : مش فاهمة يعنى ايه تمحيها … حسام : لما نتجوز هعرفك .. همس : ومين. قالك انى هتجوزك .. حسام : يعنى حضرتى نفسك للسجن .. همس : حرااام عليك ارحمنى انا لو دخلت السجن انى هتمو,ت فيها .. حسام : خلاص توافقى .. همس : وانا موافقة .. حسام : شاطرة .. يا ترى عايزة فرح .. همس ضحكت بسخرية : هههه فرح .. الفرح دة لاتنين بيحبوا بعض عشان يستمتعوا بكل لحظة حلوة فيه .. لكن انا اعمل فرح ليه .. منكرش ان كان نفسي فى اروع فرح فى الدنيا بالفستان الابيض وشهر عسل .. تبقى احلى ذكريات ما بينا .. بس من الواضح أن مش مكتوبلى.. احقق الامنيات ديه … حسام للحظة حس بوجعها بس طرد الفكرة ديه من دماغه على طول : على العموم انا هاجى اطلبك من والدتك انهاردة ونتجوز بكرة … همس : لأ .. حسام : هو ايه ال لأ .. همس : والدتى مش هتعرف اننا هنتجوز .. حسام : ليه يعنى .. همس : عشان والدتى كان نفسها تشوفنى فى أحسن صورة مع احسن شخص وتوصلنى ليه وتوصيه عليا .. ودة مش هيحصل اكيد ولو جيت طلبتنى انهاردة واتجوزنا بكرة من غير فرح هتشك طبعا .. ف انا عقولنا أن عندى سفرية طويلة مش عارفة هرجع منها امتى .. حسام : براحتك .. انا رأيي نتجوز انهاردة .. همس : مش هتفرق معايا بس ماشي موافقة .. انا هروح ابلغ والدتى وأحضر حاجتى بس انا هعيش فين … حسام : فى ڤيلتى … لما تخلصى تعالى على الشركة عشان نروح مع بعض .. همس : ماشي عن اذنك .. قامت وهى حاسة انها بتتخنق بتمو’ت الدنيا بتسود واحدة واحدة وفجأة اغمى عليها .. حسام : همسه…همسه .. شالها من على الأرض وحطها على الكنبة .. وجاب برفان بيحاول يفوقها … وابتدت تفوق : انا فين .. ايه الحصل .. حسام : فجأة اغمى عليكى … انتى كلتى … همس : ها .. اه كلت .. حسام حس انها بتكدب : همس مبحبش حد يكدب عليا كلتى ولا لأ .. همس : لأ مأكلتش من امبارح .. حسام : انتى اتجننتى صح .. همس : مكنش ليا نفس … حسام : افرضى اغمى عليكى فى الشارع .. همس : ياريت كنت على الأقل امو’ت وارتاح .. حسام : للدرجادى بتكرهينى .. همس : حسام انا مبكرهش حد عمرى ما بكره حد لكن انا مكنتش اتمنى حياتى كدة .. انت عايز تتجوزينى انتقام .. حسام : لأ يا همس مش هتجوزك انتقام .. همس : طب هتتجوزنى ليه .. حسام : هتعرفى بس مش دلوقتى .. يلا عشان اوصلك للبيت .. همس : لأ انا هاخد تاكسي .. حسام : همس بما اننا هنعيش مع بعض انا مبعدش كلمتى مرتين .. همس : حاضر .. وركبوا العربية وسط حرس كبير .. #################### همس : ماما يا ماما انا جيت .. سعاد : حمد لله على السلامة يا حبيبتى .. كنتى فين .. همس : روحت لمدير الشركة ونقلنى لفرع الشركة فى اسكندرية وهطر اسافر … سعاد : لوحدك يا همس همس : لازم اسافر يا ماما وهبقا احاول انزل متخافيش .. ادعيلى يا ماما انا داخلة على شغل صعب اوى .. سعاد : دعايلك ديما يا قلب امك .. همس : انا داخلة اجهز شنطتى عشان هسافر دلوقتى .. سعاد : ماشي يا حبيبتى .. دخلت تجهز شنطتها .. همس فى نفسها : يا ترى يا حسام انت طيب ولا لأ انت عايز تتجوزينى ليه .. حسة أن انت جواك حاجة. حلوة وبتظهر الوحش .. يا ترى قرارى كان صح ولا لأ .. ربنا يستر … جهزت شنطتها ونزلت ركبت العربية .. طول الطريق بصة للشباك و دموعها نازلة بصمت .. حسام فى نفسه : يا ترى يا همس بتكرهينى للدرجادى ولا ايه حكايتك .. ############################ ووصلوا الڤيلا وكان فيها مأذون واتنين شهود منهم كريم … حسام : دادة نعمات دادة نعمات .. نعمات : حسام حبيبى حمدالله على سلامتك .. حسام : الله يسلمك يا دادة … اعرفك يا دادة همس عروستى … نعمات : مبروك يا حبيبى يا زين ما اخترت يا حسام زى القمر .. همس : شكرا يا دادة … واعدوا ادام المأذون …. المأذون : موافقة يا بنتى .. همس وهى تنظر ل حسام : موافقة .. انتهى المأذون : بارك عليكما وجمع بينكما فى خير … وأصبحت همس حرم حسام الشافعى … بعد ما خرج المأذون … حسام : مبروك همس : الله يبارك فيك .. حسام : دادة ممكن تعرفى همس مكان الاوضة .. نعمات : طبعا يا حبيبى .. تعالى يا حبيبتى … وطلعت همس الاوضة وكان جناح كبير زوقه راقى جدا … رتبت همس هدومها فى الدولاب وغيرت هدومها .. وكان حسام بيخبط … همس : ادخل .. دخل حسام وبصلها وابتدا يقلع الجاكيت وبيفك زراير القميص وبيقربلها وهى كل شوية ترجع لورا همس : انت هتعمل ايه ..وابتدت الدموع تبان فى عينيها .. قرب منها جدا وحاوطها بيإديه لأنها لزقت فى الحيطة وقرب من ودانها : همس انا جوزك اه ويمكن اكون قاسي جداا لكن انا مش حقير أو حيوان عشان اخد منك حاجة غصب عنك يوم ما هيحصل حاجة بينا هتكون بكامل إرادتك بس دة ميمنعش انك هتنامى معايا فى نفس الاوضة .. مفهوم .. همس : مفهوم .. بعد عنها ودخل الحمام يغير هدومه وهى مش مصدقة أنه سابها نفسها تفهمه .. وخرج : انا هنزل المكتب اعمل شوية حاجات … همس : ماشي ..
الفصل الرابع بعد ما حسام نزل المكتب .. همس نزلت المطبخ … همس : دادة نعمات مش عايزة مساعدة .. نعمات : لأ يا حبيبتى ارتاحى انتى .. همس : دادة هو حسام ايه اكتر عصير بيحبه .. نعمات : بيعشق المانجا .. همس : طب عندكوا مانجا .. نعمات : اه يا حبيبتى فى التلاجة .. راحت التلاجة فتحت وصبت العصير .. نعمات : هاتيه يا حبيبتى اوديه .. همس : لأ يا دادة انا هوديه… نعمات : براحتك يا حبيبتى … ################### خبطت على باب المكتب وقال : ادخل .. ملقاش حد اتكلم رفع عينه من على الورق لقاها همس .. همس : اسفة لو ضايقتك .. (( حس حسام انها فى منتهى البراءة والطيبة واليوم ال حبسها فيه انها كانت بترسم القوة عشان تغيظه )) .. حسام : لأ ابدا تعالى .. همس : لقيتك طولت فقولت اجيبلك حاجة تشربها … حسام : شكرا .. عرفتى منين انى بحب عصير المانجا .. همس : لأ انت بتعشقه .. حسام : وعرفتى منين .. همس : سألت دادة نعمات .. حسام : وسألتى دادة نعمات ليه … همس : مش جوزى لازم اعرف الحاجات ال بيحبها .. حسام بٱبتسامة : جوزك … اممممم ماشي شكرا يا ستى .. كدة كدة انا خلصت .. تعالى نطلع الجنينه .. (((حسام اتبسط انها بتهتم تعرف الحاجات ال بيحبها )).. وطلعوا الجنينه … همس : الله الجنينة روعة تصميمها حلو اوى وكمان البيسين .. حسام : دة تصميمى .. همس : ازاى .. حسام : انا اصلا بحب الرسم من وانا صغير وتطورت من نفسي وبقيت بصمم فصممت الجنينيه والفيلا… همس : حلو اوى برافو عليك .. ممكن ندخل عشان انا بردت .. حسام : يلا .. دخلوا الڤيلا وطلعوا الدور الفوق … حسام : ادخلى انتى نامى انا هدخل الاوضة ديه واجى كمان شوية .. همس : ايه الاوضة ديه .. حسام : حاجة متخصكيش واياك يا همس تدخليها .. همس : حاضر. .. دخلت همس … حاولت تنام معرفتش. وحست أنه طول راحت تشوفه لقيت نور الاوضة الدخلها منور فعرفت أنه موجود فيها … لسه هتفتح فسمعت صوت عياط وقفت تسمع .. حسام ببكاء : ابنك اجوز يا امى كان نفسي تبقى معايا وتشوفى عروسة ابنك .. وحشتينى اوى يا امى .. سبتينى ليه .. بس امى انا حاسس انى بحب همس مش عارف ليه… انهاردة جابتلى عصير المانجا ال بحبه على مكتبى زى ما كونتى بتعملى حسيت بوجودك معاها مع انى لسه مجوزها انهاردة .. تفتكرى تكون بتحبنى ولا بتكرهنى .. همس سمعت الكلام دة بصدمة : معقول حسام بيحبنى وكمان بيعيط .. قررت تفتح … اتفاجأ بوجودها مسح دموعه بسرعة واتكلم بعصبية : انا مش قولت متتدخليش. هنا .. قربت منه ومسكت وشه بكفى أيدها : حسام انت بتعيط حسام : لأ .. همس : لأ بتعيط وشافت الصورة ال ماسكها .. وكانت صورة ست كبيرة حسام شبهها اوى .. همس : مين ديه يا حسام .. حسام : ديه امى… همس : بسم الله ما شاء الله قمر وانت شبهها اوى امال هى فين .. حسام : ماتت .. همس : انا اسفة .. الله يرحمها .. قولى كنت بتعيط ليه .. حسام مقدرش يمسك نفسه انهار فى ح,ضنها .. هى اتخضت بس هى كمان ح,ضنته : أهدى يا حسام أهدى انا جمبك .. حسام : وحشيتنى يا همس وحشتنى .. همس : أهدى بس عشان خاطرى أهدى .. حسام : مش قادر يا همس مش قادر .. همس خدته اوضتهم واعدت تهدى فيه زى العيل الصغير لغاية ما نام فى ح,ضنها .. همس فى نفسها : انهاردة يا حسام اكتشفت أنى فعلا بحبك وصدقنى من بكرة هفتح معاك صفحة جديدة .. ونامت نوم عميق وهو فى ح,ضنها … وهو كمان نام نوم عميق لأول مرة …. صحيت همس واعدت تتأمل فى ملامحه وهو صحى .. همس : صباح الخير يا حبيبى .. حسام : صباح النور .. ايه دة لا ثانية انتى قولتى ايه . همس : قولت صباح الخير يا ح.ب.ي.ب.ى .. حسام : انا حبيبك .. همس : انت حبيبى وروحى وحياتى .. حسام : همس انتى بتتكلمى بجد انتى مش بتكرهينى .. همس ومسكت وشه بإيدها : اولا أنا مبكرهش حد وثانيا انا بحبك من اول يوم شوفتك فيه بس كنت بكابر وبعند مع نفسي .. انا اعترفتلك بحبى … انت كمان بتحبنى ….. حسام : انتى بتسألى انا بعشقك .. سامحينى يا همس لو جر,حتك بكلمة أو خوفتك … همس : مسمحاك يا حبيبى .. ممكن تقولى انت كنت عامل كدة ليه امبارح.. حسام : هقولك بس مش عايز اتكلم دلوقتى ممكن .. همس : طبعا ممكن .. حبيبى عايزة اطلب منك طلب حسام : انتى تؤمرى ..بس قبل ما تطلبى ممكن افهم ليه عملتى كدة .. همس : عملت ايه .. حسام : ليه عملتى كدة مع صحبتك .. همس : اه اصدك على الحسابات … حسام : اه… همس : بص يا حبيبى هى مش صحبتى ديه زميلتى ثانيا الشغل ال كان معاها كان صعب محتاج حد خبرة شوية .. لما شوفت الورق كانت عملاه غلط لدرجة ممكن يودى فى دهاية فقولت اساعدها وفعلا كان فاضلى حاجة بسيطة جدا بس انت عملت اجتماع مفاجأ ملحقتش اخلص … لو لقيت حد ادامى محتاج مساعدة وانا اقدر اساعده مش هتردد ابدا .. حسام : سامحينى يا همس .. المهم كنتى عايزة تطلبى ايه .. همسة: عايزة ارجع اشتغل معاك فى الشركة .. حسام : سيبينى افكر يا همستى .. همس : همستك …الله حلو اوى الاسم دة حسام : طبعا همستى وروحى وحياتى وقلبى وكل حاجة ليا … همس : انا هقوم احضرلك الفطار … حسام : دادة نعمات هتحضره .. همس : بس انا عايزة أحضره لحبيبى ممكن … حسام : طبعا ممكن .. قام ياخد شاور وهمس حضرتله هدومه والفطار.. ونزل راح الشركة …. #################### فى الشركة …. السكرتيرة : حسام بيه فى واحد برة عايز يقابل حضرتك … حسام : مين دة .. السكرتيرة : هشام الدمنهوري … حسام بغضب : دخليه …